Kampioni aktual në basketboll Peja dhe nënkampioni Trepça këtë të mërkurë i zhvillojnë ndeshjet e rradhës në kompeticionin prestigjioz evropian, FIBA Europe Cup.
Ekipi i Pejës gjendet në Poloni dhe do të luajë ndaj ekipit të Spojnias në Stargard me fillim nga ora 18:30. Derisa në anën tjetër, Trepça ndodhet në Francë, ku do të ndeshet me skuadrën e Gravelines në qytetin me po të njejtin emër të ekipit me fillim nga ora 20:00.
Peja në këtë ndeshje do të jetë me një mungesë kogja të theksuar në fazën e qendrës. Basketbollisti shtatëlartë Lis Shoshi, është ende i lënduar dhe as në këtë ndeshje nuk mund të jetë në gjendje ti ndihmojë skuadrës verdhezi.
Mirëpo vlen të përmendet se Peja është në një formë të mirë, pasi në dy ndeshje ka një fitore dhe një humbje, ndërsa në elitën e basketbollit kosovarë në gjashtë ndeshje ka poaq fitore.
Derisa, skuadra nga Mitrovica debutoi në këtë garë javën e shkuar, ku pësoi humbje të thellë në shtëpi nga Leideni i Holandës me shifrat 84:54. Ndërkohë, në duelin me skuadrën Gravelines, skuadra e Trepçës synon fitoren e parë në grup.
Trepça në Grupin G të FIBA Europe Cup ka një humbje, ndërsa në elitën e basketbollit kosovarë në gjashtë ndeshje ka bilanc prej pesë fitoreve dhe një humbje.
