Basketbollisti amerikan, fundori Brevin Galloway më nuk është pjesë e skuadrës së Trepçës. Ekipi nga Mitrovica të hënën, e ka falënderuar amerikanin për kontributin e tij. Galloway iu bashkua Trepçës në tetor të vitit të shkuar dhe krahas paraqitjeve në Superligën e Kosovës, pati edhe tri ndeshje të luajtura në FIBA Europe Cup.
Galloway (188 cm), te Trepça ka luajtur me një mesatare prej 8 pikë, 3 kërcimeve dhe 2 asistimeve për ndeshje. Ai te Trepça u transferua nga skuadra e Lituanisë, Nevezis. Trepça, aktualisht prinë në elitën e basketbollit kosovar me 36 pikë, tri më shumë se Peja që zë vendin e dytë.
Pas largimit të Gallowayt, te Trepça kanë mbetur katër amerikanë: Kevin Capers, Kevin Davis, Darnell Edge dhe Jordy Tshimanga.
