Basketbollistët e Bashkimit, sot nisin rrugëtimin në fazën grupore të FIBA Europe Cup.
Ndeshjen e parë, Bashkimi e luan në shtëpi ku e pret skuadrën nga Letonia, Valmiera.
Kjo ndeshje nis në orën 19:00 në palestrën “Sezai Surroi” dhe i takon xhiros së parë të Grupit F.
Bashkimi në fillim të këtij sezoni në Superligën e Kosovës ka treguar formë të mirë, duke i fituartri ndeshjet e para, si dhe arriti ta fitoi trofeun e Superkupës.
Tani, mbetet të shihet se cili do të jetë rrugëtimi evropian i skuadrës nga Prizreni.
Ndërkohë, prej orës 18:30 do të startojë ndeshja mes Trepçës dhe ekipit nga Greqia, Promitheas që po luhet në palestrën “Minatori” në Mitrovicë në kuadërtë Grupit A të FIBA Europe Cup.
Trepça dhe Bashkimi, në këtë sezon do ta përfaqësojnë basketbollin kosovar në garat evropiane, si kampion dhe nënkampion të Kosovës.
