Policia e Kosovës ka njoftuar se një person në Lipjan është sulmuar fizikisht nga tre të mitur.
Sipas raportit, gjatë sulmit viktima është therur me thikë nga njëri prej të dyshuarve, duke pësuar lëndime trupore.
Të dyshuarit janë arrestuar dhe me vendim të prokurorit janë dërguar në mbajtje për 24 orë.
“Lipjan, 24.04.2026 – 14:30. Është raportuar se viktima, mashkull kosovar, është rrahur nga tre persona meshkuj kosovarë të mitur. Njëri nga të dyshuarit e ka therur me thikë, duke i shkaktuar lëndime trupore. Viktima ka marrë trajtim mjekësor. Të dyshuarit janë arrestuar dhe, me vendim të prokurorit, janë dërguar në mbajtje për 24 orë”, njofton Policia e Kosovës./teve1.info/
