Tre persona kanë mbetur të lënduar si pasojë e një aksidenti që ka ndodhur pasditen e sotme në rrugën Gjakovë – Prizren, konkretisht te vendi i quajtur “fshati slloven.
Të lënduarit janë dërguar për tretman mjekësor në Spitalin e Përgjithshëm të Gjakovës.
Lajmin e ka konfirmuar për teve1.info zëdhënësi i Policisë së Kosovës për rajonin e Gjakovës, Sheremet Elezej, i cili tha se në aksident kanë qenë të përfshira dy vetura.
Ndërkohë, është bërë e ditur se me shkaqet e aksidentit është duke u marrë njësia e trafikut rajonal.
“Në rrugën Gjakovë-Prizren, tek vendi i quajtur “fshati Slloven”, rreth orës 12:20 është pranuar informatë për aksident trafiku. Menjëherë policia ju ka përgjigjur rastit dhe ka dalë në vendin e ngjarjes. Në aksident kanë qenë të përfshira dy automjete udhëtarësh, ku përveç dëmeve materiale tre persona janë dërguar në Spitalin e Përgjithëshme në Gjakovë për trajtim mjekësor. Njësia e trafikut rajonal është duke trajtuar rastin”, tha ai./teve1.info/
