Tre persona janë lënduar në një aksident trafiku mes dy veturave, një kamioni dhe një kamionete në rrugën Prizren – Suharekë.
Kështu ka bërë të ditur për tëvë1.info, zëdhënësi i policisë për rajonin e Prizrenit, Shaqir Bytyqi i cili ka thënë se dy nga të lënduarit kanë lëndime të rënda.
Tutje, policia ka bërë të ditur se rruga po vazhdon të jetë e bllokuar.
“Sot me datë 11.02.2025, rreth orës 15:55 është raportuar një aksident trafiku në rrugën Prizren-Suharekë, konkretisht në Fshatin Gjonovc , ku ishin të përfshira dy automjete, një kamion i rëndë dhe nje kamionet. Si pasoj e aksidentit janë shkaktuar dëmeve materiale dhe së paku tre persona kanë pësuar lëndime trupore. Dy nga ata lëndime të rënda. Policia është duke hetuar aksidentin, është njoftuar edhe prokurori kujdestar. Rruga për momentin ende është e bllokuar”, ka deklaruar Bytyqi./teve1.info/
