Në një intervistë për të përditshmen italiane “Tuttosport”, trajneri i Juventusit, Luciano Spalletti ka folur edhe për lojtarët e tij.
Në mesin e lojtarëve, Spalletti ka përmendur edhe Edon Zhegrovën, i cili kohët e fundit ka pasur paraqitje të mira si te Juventusi ashtu edhe me Kombëtaren e Kosovës.
Gjasat janë të mëdha që pas pushimit ndërkombëtar, Zhegrova të ketë më shumë minuta te Juventusi apo edhe të startojë nga minuta e parë në ndeshjet e Serie A.
Në fakt, Spalletti ka dhënë një mesazh për Zhegrovën, i cili ishte ndër më të dalluarit te Kosova në ndeshjet e Ligës së Kombeve.
“Ne duhet të krijojmë një marrëdhënie të fortë midis ekipit dhe potencialit të lojtarëve individualë. Por, nëse Zhegrova zhvillohet pak më shumë, atëherë do të shihni se ai mund të bëhet një lojtar i nivelit të lartë, një yll”, ka thënë Spalletti.
Në dy ndeshjet e fundit të Juventusit, Zhegrova ka shënuar dy gola dhe ka bërë një asistim.
