Negociatat janë duke vazhduar ndërmjet Trabzonsporit dhe Beshiktashit në lidhje me tarifën e transferimit të Ernest Muçit.
Muçi është i huazuar këtë sezon te Trabzonspori, ekip që ka opsionin e blerjes së tij të plotë për 8.5 milionë euro.
Megjithatë, Trabzonspori po kërkon ulje të çmimit për ta bërë Muçin transferim të përhershëm pasi futbollisti i Shqipërisë ka kontratë me Beshiktashin deri në vitin 2027.
Muçi 25-vjeçar ka shkëlqyer këtë sezon te Trabzonspori, ku ka realizuar 13 gola dhe ka bërë 8 asistime në të gjitha garat.
Te Trabzonspori po shpresojnë të arrijnë marrëveshje për uljen e çmimit të Muçit me Beshiktashin, ekip që nuk po dorëzohet tani për tani dhe ka paralajmëruar se ka klube tjera të interesuara për shqiptarin nëse muajin tjetër nuk shfrytëzohet opsioni i blerjes së tij.
