Kryetari aktual i Komunës së Prizrenit dhe kandidati për një mandat tjetër nga PDK-ja, Shaqir Totaj, ka thënë se për herë të parë pas shumë dekadash, po e sjellin Qendrën e dytë të Mjekësisë Familjare në këtë komunë.
Përmes një postimi në Facebook, Totaj ka bërë të ditur se objekti kapital i kësaj qendre është para finalizimit, duke theksuar se nevoja e popullsisë për shërbime të shpejta dhe efikase shëndetësore i ka nxitur të punojnë shpejt.
“Për herë të parë, pas shumë dekadash, Prizrenit po ia sjellim Qendrën e Dytë të Mjekësisë Familjare. Rritja e popullsisë e nevojat për shërbime të shpejta dhe efikase shëndetësore, na kanë nxitur të punojmë 24h për ta ndërtuar QKMF-2 e cila do t’i përballojë nevojat dhe kërkesat e qytetarëve!.”, ka thënë Totaj përmes një postimi në rrjetin e tij social Facebook.
