Trajneri i ri i Dritës, Arsim Thaqi e nis me humbje aventurën e tij në elitën e futbollit kosovar me gjilanasit. Pasuesi i Ardian Nuhiut u shpreh se skuadrës së tij i ka munguar fati.
“Kushtet ishin të vështirësuara, nuk na lejuan të bënim atë që e dijmë më së miri. Trepça ’89 e shfrytëzoi një moment dhe shënoi gol. Ne krijuam shumë raste dhe futbolli i sjellë edhe këto gjëra. Është ndeshja e parë, dhe në ndeshjet e para nuk ka favorit. I jap komplimente Trepçës ’89 për përgatitjen e fushës pasi kishte bërë maksimumin. Na mungoi fati, kur topi ishte deri në vijën e portës. Momenti vendimtar ishte goli që pësuam. Ne bëmë përpjekje maksimale, por tani duhet të mendojmë për ndeshjet tjera”, theksoi Thaqi pas ndeshjes.
