Partitë politike edhe tetë ditë, kanë afat për ta zgjedhur presidentin e Republikës. Por para kësaj, për Partinë Demokratike të Kosovës është një tjetër urgjencë.
Kryetari i saj, Bedri Hamza thotë se njëherë duhet mbështetje për nismën e kësaj partie për plotësim ndryshim të projektligjit për Specialen.
“Për neve, PDK, projektligji është pika e parë. Nuk kemi folur për emrat, por nëse kalohet ligji, këtë nuk po e them si detyrim, po si nevojë. Nëse kalohet ligji, jemi të hapur për të diskutuar për tema të tjera”, ka thënë Hamza.
Të gatshëm për të kontribuuar për emrin e presidentit janë edhe Lidhja Demokratike e Kosovës.
Por shefja parlamentare e këtij subjekti nuk tregon nëse ka pasur diskutime për emra këto ditë.
Si parti kemi thënë që është e rëndësishme t’i shmangim zgjedhjet, por kjo kërkon vullnetin e të gjitha partive. Ne jemi të gatshëm që të japim kontribut për themelimin e këtyre institucioneve. Ne nuk jemi në situatë që mund të themi që jemi pro ose kundër një kandidati. Por jemi të gatshëm që të kontribuojmë për zgjedhjen e presidentit. Ne kemi shkuar edhe në bisedime, kemi dhënë kontribut në proces, sepse jemi të interesuar që Kosova të ketë institucione”, u shpreh tutje Lushaku Sadriu.
E për Aleancën nuk po diskutohen problemet reale.
“Sot Kosova ka nevojë për seriozitet, ka nevojë për reflektim, për shkak se kanë mbetur edhe 8 ditë deri te një vendim, nuk shoh proces serioz, nuk shoh reflektim të situatës çka ka ndodhur më 16 shtator, shoh vazhdimësi të një situate e cila po na përsëritet”, ka deklaruar Tahiri.
Gjykata Kushtetuese e Kosovës në vendimin e saj të fundit ka dhënë afat deri më 6 tetor të zgjidhet presidenti i ri. Nëse partitë nuk merren vesh, vendi shkon në zgjedhje të jashtëzakonshme.
