Avokati i Rexhep Selimit – ish-kreut të Ushtrisë Çlirimtare të Kosovës (UÇK), David Young, është tërhequr nga rasti për shkaqe shëndetësore.
Kështu ka bërë të ditur bashkëshortja e Selimit, Shqipe Selimi.
Ajo ka bërë të ditur se edhe përkundër largimit të avokatit, ekipi do të vazhdojë punën si gjithmonë.
“E shkruaj këtë sqarim, në lidhje me lajmet e fundit që po qarkullojnë në media se njëri nga avokatët në ekipin e Rexhep Selimit është larguar nga ekipi. Një gjë e tillë është e vërtetë, por nuk ka të bëjë asgjë me çështje financiare, por me çështje shëndetësore të avokatit David Young. Ekipi i Rexhep Selimit vazhdon punën si gjithmonë, të përkushtuar ndaj të drejtës dhe fitores” ka shkruar Selimi.
Ndërkohë, ditë më parë, avokatët e ish-presidentit Hashim Thaçi kishin kërkuar të tërhiqeshin nga mbrojtja, për shkaqe të mos pagesës./teve1.info/
