Kërkesë për plotësim dhe ndryshim të ekspertizës ka kërkuar Telekomi i Kosovës, në rastin e njohur si “Dardafon”. Ata patën kritika në lidhje me përmbajtjen dhe punimin e ekspertizës.
Një varg kritikash u adresuan nga Telekomi i Kosovës për plotësim ekspertizën financiare.
Ky plotësim ekspertiza erdhi pasi ishin evidentuar mangësi në k=t= ekspertizë.
Nga Gjykata Komerciale, pala e Telekomit kërkoi që plotësim ekspertiza të trajtohet në përputhje me ligjin.
“Ne kërkojmë që Gjykata të trajtojë drejt, ligjërisht dhe profesionalisht dhe me aktvendime të këtyre gjykatave të mos shkelet pika 5 e vendimit përfundimtar të arbitrazhit, e cila është e lidhur me pikën 4 të po të njëjtit vendim. Pra, kërkesa jonë meqenëse nuk ka asgjë të kontestueshme, të vlerësohet nga gjykata me aktvendim dhe me plotësim ekspertizë të përfshihet edhe pika që nuk e kundërshton kreditori.”, tha përfaqësuesi ligjor i Telekomit, Durim Ahmetaj.
Ndërkohë, pala tjetër, Dardafoni, theksoi se në dokumentet në fjalë janë të përfshira të gjitha detajet e marrëveshjeve mes të dyja palëve.
“Edhe ekspertiza financare dhe plotësimi i ekspertizës, si kjo e punuar nga grupi i ekspertëve edhe ajo e punuar nga eksperti paraprak, kanë marrë parasysh të gjitha pagesat eventuale qofshin ato direkte apo përmes kompensimeve. Dhe marrëveshjen e vitit 2020, në mënyrë definitive është vërë rrafshimi i detyrumeve të palëve.”, tha përfaqësuesi ligjor i “Dardafon”, Alban Makolli.
Përfaqësuesit e Telekomit paralajmëruan se do të bëjnë kërkesa për plotësim ndryshim të ekspertizës.
“Nga pyetjet e bëra drejtuar ekspertëve qartësisht konstatohet se të njëjtit kanë operuar pa pasur detyra të qarta dhe vëllim të saktë te ekspertizës.”, u shpreh Ahmetaj.
Për këto kërkesa, pritet të vendoset në javët në vazhdim.
