Policia e Kosovës i ka arrestuar tre persona lidhur me zjarrëvënien në një objekt të Gjykatës Themelore në Ferizaj, Dega Kaçanik, e ndodhur dy ditë më parë, raporton teve1.info
Sipas Policisë së Kosovës, të dyshuarit janë arrestuar mëngjesin e së premtes derisa të tre janë të moshës 17-vjeçare.
“Hetuesit e Sektorit Rajonal të Hetimeve nga Drejtoria Rajonale e Policisë në Ferizaj, pas një pune intensive hetimore dhe grumbullimit të informacioneve në terren, në koordinim me Prokurorinë dhe Gjykatën Themelore në Ferizaj, me datën 15.03.2024 rreth orës 10:00 kanë arritur që të asrrestojnë tre persona nën dyshimin se kanë kryer veprën penale “Zjarrëvënie” në objektin e Gjykatës Themelore, dega në Kaçanik.
Të arrestuarit janë:
M.H ( M/K), i moshës 17 vjeçar
T.B ( M/K), i moshës 17 vjeçar
V.T ( M/K), i moshës 17 vjeçar
Të dyshuarit janë shoqëruar në policinë rajonale të Ferizajt, përkatësisht në Sektorin Rajonal të Hetimeve, të cilët në prani të avokatëve mbrojtës janë intervistuar nga policët hetues, ndërsa me vendim të prokurorit të shtetit janë ndaluar në mbajtje për 24 orë, për procedura të mëtejme hetimore”, thuhet në komunikatën e Policisë.
Ndaj të arrestuarve, prokurori kujdestar ka shqiptuar masën e ndalimit prej 48 orëve.
