Ka mbi dy dekada që nuk di asgjë për fatin të disa prej familjarëve të tij.
Nehat Duraku nga Krusha Madhe rrëfen dhimbjen që ai e përjeton çdo ditë nga mungesa e më të dashurve.
Ai shpreson se Shtetet e Bashkuara të Amerikës duke i bërë presion Serbisë, do të ndihmojnë në zbardhjen e fatit të personave që janë zhdukur me dhunë gjatë luftës së fundit në Kosovë.
Duraku me lot në sy thotë se akoma nuk i ka humbur tërësisht shpresat.
Kurse, Marigona Shabiu, nga nisma rinore për të drejtat e njeriut, është shprehur kritike ndaj institucioneve publike që nuk bëjnë mjaftueshëm për t’i kujtuar personat e pagjetur.
Janë akoma mbi 1.600 persona të zhdukur më dhunë që nga mbarimi i luftës në Kosovë.
Deklarata për personat e pagjetur pritet të miratohet në takimin e ardhshëm të nivelit të lartë ndërmjet kryeministrit Kurti dhe Presidentit serb, Aleksandar Vuçiq.
Kronika e gazetarit Shpat Blakçori.
