Policia e Kosovës sipas urdhrit operativ policor ka vazhduar angazhimet në mbrojtjen e rendit kushtetues, ligjshmërisë dhe integritetit të procesit zgjedhor në Republikën e Kosovës.
Policia e Kosovës ka bërë të ditur se dy të arrestuarit, serbë në fshatin Gorazhdec-Pejë kanë ushtrua ndikim te qytetarët të votojnë Listën Serbe.
Policia ka njoftuar se pas marrjes së inoframcioneve ka marrë veprime konkrete, ku kanë kryer bastisje dhe hasur dy persona meshkuj kosovarë të nacionalitetit serb, të cilët dyshohet se janë përfshirë në rast, të njëjtit janë arrestuar dhe janё intervistuar nga hetuesit rajonal.
“Të gjitha veprimet e mëtejme lidhur me rastin janё ndёrmarrё në bashkëpunim dhe koordinim me organet kompetente të drejtësisë, ndërsa tё dyshuarit me vendim tё prokurorit tё shtetit janё ndaluar pёr 48-orё. Veprimet policore dhe bashkëpunimi ndërinstitucional dëshmojnë përpjekjet aktive dhe vendosmërinë për të mbrojtur integritetin e procesit zgjedhor dhe për të luftuar çdo përpjekje për të ndikuar në mënyrë të kundërligjshme në vullnetin e lirë të votuesve”, thuhet nga PK.
