Vendimi për tarifat e reja u miratua së fundmi në Kuvendin Komunal të Prishtinës.
E ndryshimet prekin bizneset e kategorive të ndryshme që ushtrojnë veprimtari në kryeqytet.
E një nga këto biznese është edhe salloni i Behar Krasniqit
Ky i fundit thotë që tash e 7 vite është një tatimpagues i rregullt.
“Personalisht unë e kam biznesin që shtatë vite, domethënë jemi tatimpagues të rregullt vazhdimisht, non-stop. Domethënë, muaji i parë i dytë fillon prej 150 vitit, varësisht sa punëtorë i ke, sa i ke të regjistruar, tremujori i shkallëzohet 380-450 varësisht prej punëtorëve dhe prej qarkullimit që e ke. Normalisht është më mirë, për shembull, çdo punëtor që punon edhe çdo send që e ke në lokal, në bazë të tatimit të rregullt i paguan, domethënë është më mirë”, thotë ai.
Krasniqi thotë se bizneset kanë nevojë për mbështetje dhe se çdo ndihmë nga institucionet është e mirëseardhur.
“Normalisht biznesit gjithmonë është më mirë me i ndihmuar, për shembull. Ajo s’diskutohet, çdo biznes ka nevojë për ndihmesën e shtetit, mbasi veç jemi domethënë tatimpagues të rregullt, a po kupton, çdo ndihmesë që vjen prej shtetit është e mirëseardhur edhe është shumë më mirë për çdo biznes në Kosovë që ekziston”, shprehet Krasniqi.
E nga Komuna e Prishtinës thanë që kjo rregullore tashmë ka kaluar në tersi përveç disa ndryshimeve që janë bërë.
Është një prej rregulloreve të rralla që është votu me unanimitet të plotë, përfshirë edhe ndryshimet, kështu që po besoj është një prej rregulloreve që mundet me qua përpara edhe agjendën e kryeqytetit edhe bashkëjetesën qytetare”, thotw Luftar Braha-drejtor pwr Zhvillim Ekonomik dhe Inovacion.
Por, si janë përcaktuar tarifat që u miratuan nga Kuvendi Komunal?
“Na e kemi zhvillu një metodologji si tarifohen bizneset, kjo metodologji përfshin disa faktor mbi të cilët poentohet secili lloj i kategorisë së bizneseve që janë ndikimi trafik, osht ndikimi në stresin urban, përdorimi i infrastrukturës publike, ndikimi në mjedis, kapaciteti ekonomik i kategorisë së bizneseve, të gjitha këto faktorë janë marrë parasysh, janë poentu e në bazë të poentimit, bizneseve iu është caktu forma e tarifës”, sqaron Braha.
Sipas Brahës tarifat janë të përballueshme për gjitha bizneset.
