Kryetari i Drenasit, Ramiz Lladrovci, dhe ish-kryetari i Prishtinës, Shpend Ahmeti, janë parë më afër se kurrë në një fotografi të publikuar së fundmi, duke ngjallur reagime dhe diskutime në prag të zgjedhjeve.
Një foto e shpërndarë së fundmi ka vënë në qendër të vëmendjes dy figura të njohura politike: kryetarin e Drenasit, Ramiz Lladrovci, dhe ish-kryetarin e Prishtinës, Shpend Ahmeti, i cili kohëve të fundit ka qenë joaktiv në skenën politike.
Lladrovci, i njohur si një ndër politikanët më aktivë në vend, shpesh realizon takime të veçanta dhe të pazakonta. Kësaj radhe, takimi me Ahmetin ka hapur diskutime të gjera, sidomos duke qenë se vendi ndodhet në prag të zgjedhjeve.
Në fotografinë ku shihen të buzëqeshur dhe me shtrëngim të fortë duarsh, shumëkush ka interpretuar mundësinë e një paralajmërimi politik, një bashkëpunimi të ri, apo thjesht një takim miqësor por me simbolikë të fortë.
“Dyshja të buzëqeshur kanë shtrënguar duart fort, duke lënë dyshime për ndonjë paralajmërim të mundshëm meqenëse jemi në kohën e zgjedhjeve.”
Edhe pse asnjëri prej tyre nuk ka dhënë një deklaratë zyrtare pas këtij takimi, fotografia ka hapur rrugë për interpretime të ndryshme dhe ka shtuar interesin publik rreth lëvizjeve të mundshme politike në ditët në vijim.
