Takimet në Bruksel për çështjen e Dinarit u mbajtën për modalitetet se si do ti kryen Serbia pagesat për serbët në Kosovë. Në një përgjigje për TËVË1, guvernatori i BQK-së, Ahmet Ismaili ka thënë se vendimi për dinarin mbetët në fuqi. Ndërsa kryenegociatori i Serbisë, Petar Petkoviq ka deklaruar se kjo temë do të hyjë në dialogun Kosovë-Serbi, e emisari Miroslav Lajçak ka kërkuar takime përësi në Bruksel.
Të martën qëndruan në Bruksel.
Aty i bëri bashkë vendimi për dinarin serb.
Emisari i BE-së, Miroslav Lajçak fillimisht zhvilloi takime ndaras me guvernatorin e BQK-së, Ahmet Ismaili dhe drejtorin e zyrës për Kosovë në Serbi, Petar Petkoviq.
E pastaj u zhvillua edhe një takim trepalësh.
E pas takimit, Ismaili bëri të ditur për televizionin se vendimi për dinarin mbetet në fuqi.
“Rregullorja është në fuqi dhe nuk ndryshohet. Zbatimi i saj nuk vihet në diskutim. Mundësi ligjore ka për transfer legal, nëse gjithmonë Serbia ka gatishmëri t’i shfrytëzojë ato. Nuk ka pasur negocim. Janë diskutuar modalitetet teknike se si mundet të vazhdojë financimi nga Serbia, përmes kanaleve ligjore dhe transparente në llogari bankare të përfituesve në euro, bazuar në propozim e BQK-së dërguar tek Banka Popullore e Serbisë. Nuk ka asgjë tjetër dhe as nuk kemi pranuar diskutime tjera”, ka deklaruar Guvernatori i Bnakës Qendrore të Kosovës, Ahmet Ismaili.
Teksa kryenegociatori serb, tha se në takim është dashur të marrë pjesë vetë zëvendëskryeministri Besnik Bislimi, e jo të dërgojë persona të tjerë.
“Për zgjidhje duhet niveli politik, ai nuk mund ta bëjë atë që bëri (Besnik Bislimi), të mos vijë në Bruksel, por të dërgojë njerëz nga e ashtuquajtura Banka Qendrore e Kosovës. Është e vërtetë që dinari nuk është diskutuar kurrë në dialog, por duke pasur parasysh se vendimi i të ashtuquajturës BQK prek drejtpërdrejt serbët, sigurisht që do të diskutohet në Bruksel”, ka thënë drejtori i zyrës për Kosovën në Serbi, Petar Petkoviç.
Pas takimeve, u deklarua edhe emisari Lajçak, për çka tha se shumë pyetje politike kanë mbetur pa përgjigje.
“Takimi i sotëm i dialogut ishte një hap i parë i rëndësishëm, por shumë pyetje politike mbeten pa përgjigje. Do të nevojiten takime shtesë”, u shpreh ai.
Një rregullore e Bankës Qendrore të Kosovës (BQK), që ka hyrë në fuqi më 1 shkurt, parasheh euron si valutën e vetme për kryerjen e pagesave me para të gatshme në Kosovë, duke ndaluar përdorimin e dinarit serb.
Sipas BE-së, ky vendim ka shkaktuar probleme praktike për komunitetin serb në Kosovë, të cilët kanë përdorur dinarin serb dhe me këtë valutë kanë marrë ndihmë nga Serbia.
