Ish-drejtori i inspekcionit në Prishtinë, Adonis Tahiri ka thënë se vila e ndërtuar e Millan Radoiçiq është ndërtuar në periudhën 2019 e tutje.
Ai tha se nëse kjo vile nuk ka lejë nuk mund të legalizohet, por duhet shembur.
“Nëse gjeoportali i shtetit është i saktë, vila është ndërtuar dikur në periudhën 2019 e tutje. Nëse s’ka leje, s’e rrok’ legalizimi po e rrok’ bageri.
Pra, nuk është ndërtuar qe 10 vjet, as qe 15, por në 5 vitet e fundit.
Dëshmi: Ortofotoja e gjeoportalit, shtator 2018. Vendi në të cilin është sot vila, duket se ishte livadh e mal. Përmes kësaj ortofotoje kemi rrënuar dhe rrënojnë ende inspektoratet. Punë të mbarë”, ka shkruar ai.
Pronat e nënkryetarit të Listës Serbe, Milan Radojiçiq, janë në mesin e objekteve që janë bastisur sot nga Policia e Kosovës.
Sipas njoftimit nga Prokuroria kontrolli është zhvilluar në pronat e të dyshuarve Milan Radojiçiq dhe Vladimir Radojeviç, gjithashtu edhe në hapësirën e një objekti ndihmës të Spitalit Rajonal në Mitrovicë-Veri.
Derisa theksohet se objekt i spitalit ku është zhvilluar bastisja përdoret për sistemin e ngrohjes dhe nuk ndërlidhet me hapësirat e spitalit ku trajtohen pacientet.
Teksa kanë treguar se çka është sekuestruar gjatë këtij kontrolli.
“Pas realizimit të urdhër kontrollit në pronat e të dyshuarve janë sekuestruar në cilësi të provave materiale:
2 Automjete Mercedes, Argjend 4.84 Kg, 2 Motor 4X4, 1 Barkë-Anije, 7 DVR, 2 Pllaka antiplumb me dy mbrojtës, 3 Thika, 2 Rutera, 2 Çelësa të veturave, 5 Gëzhoja, 1 Dronë, 5 USB, 1 Kamera GoPro- SSD, 1 Video kamerë me kartelë, 1 Shënjestër optike, 1 Spray, 7 telefona celular”, thuhet në njoftim.
