Analistja, Arta Tahiri-Beqa ka folur për masën e arrestit shtëpiak ndaj ish-policit të Kosovës, Dejan Pantiq, i cili është arrestuar nga Polica e Kosovës nën dyshimin se ka kryer akte terroristë në veri të Kosovës ndaj zyrave të Komisionit Komunal Zgjedhor.
Tahiri – Beqa ka thënë se me lirimin e Pantiqit kanë dështuar institucionet e Kosovës.
“Prokuroria me kërkesën e saj në aspektin ligjor të gjitha gjërat në arsyetimin e saj është komplet i ligjshëm por në aspektin teknik ose institucional të Kosovës fatkeqësisht me këtë rast shihet që institucionet tona, kryeministria tashmë mund ta quaj një lloj dështimi sa i përket respektimit të drejtësisë në nivelin institucional të Kosovës”, ka thënë Tahiri-Beqa në “Këndi i Debatit” në Tëvë1.
Tutje ajo theksoi se kjo lirimi i Pantiqit lë të nënkuptohet se kjo është një marrëveshje e ndërkombëtarëve, mes BE-së dhe ShBA-ve.
Tahiri-Beqa tutje ka thënë se ekziston një lloj marrëveshje që sipas saj, është njëmarrëveshje që heqja e barrikadave të bëhet në masën e lirimit në arrest shtëpiak të ish-policit, Dejan Pantiq.
“Kjo marrëveshje automatikisht le të nënkuptojë se është një marrëveshje mes faktorëve ndërkombëtar, Bashkimit Evropian dhe Shteteve të Bashkuara të Amerikës por ndërkohë po shihet që është një lloj trysnie që është bërë ose një lloj marrëveshje që tashmë po shifet dhe është bërë lehtë e kuptueshme është një marrëveshje që heqja e barrikadave të bëhet pikërisht me masën e cila është bërë për arrest shtëpiak për ish-policin i cili është arrestuar brenda muajit dhjetor”, u shpreh ajo.
Më tej, Tahiri-Beqa e cilësoi shqetësuse që në deklaratën e përbashkët të BE-së dhe ShBA-së është kërkuar një lloj sigurie nga kryeministri i Kosovës, Albin Kurti që të mos ketë një listë rezervë e mos të ketë arrestime të tjera të protestuesve.
“Ajo çka është pak shqetësuse është që nëdeklaratën e përbashkët mes BE-së dhe ShBA-ve theksohet që të kërkohet një lloj sigurie nga kryeministri Kurti që mos të ketë një listë rezervë të mos ketë arrestime të tjera të protestuesve por që ndërkohë barrikadat realisht nuk mund të quhen në bazë tëkushtetuseshmerisë tonë si protestë paqësore”, deklaroi Tahiri – Beqa.
“Ajo e cenon integritetin territorial dhe kushtetues të Kosovës”, shtoi ajo.
Kujtojmë se sot, Gjykata Themelore ia ka ndërruar masën e sigurisë ish-policit Dejan Pantiq, nga masa e paraburgimit në arrest shtëpiak.
Ai dyshohet për veprën penale “Sulm kundër rendit kushtetues” dhe për “kryerjen e veprës terroriste”./teve1.info
