Ambasadori i BE-së në Kosovë, Tomas Szunyog ka takuar sot Drejtorin e Përgjithshëm të Policisë së Kosovës, të emëruar së fundmi, Gazmend Hoxha.
Bëhet e ditur se në këtë takim u diskutua për përpjekjet e Policisë së Kosovës për të zbatuar reformat duke përafruar praktikat e saj me ato të organizatave policore të Bashkimit Evropian.
“Ne diskutuam për përpjekjet e Policisë së Kosovës për të zbatuar reformat duke përafruar praktikat e saj me ato të organizatave policore të BE- së. E inkurajova Drejtorin e Përgjithshëm Hoxha që të përfitojë plotësisht nga mbështetja e BE-së për zhvillimin e policimit të udhëhequr nga inteligjenca dhe me bazë në komunitet në Kosovë”, tha Szunyog.
Tutje Szunyog, tha se në takim gjithashtu u diskutua edhe për qasjen profesionale të PK-së gjatë zgjedhjeve të pjesshme dhe situatën e përgjithshme të sigurisë në veri./teve1.info./
