Ministri i Punëvë të Brendshme, Xhelal Sveçla u ka shprehur ngushëllime familjeve të tre fëmijëve që humbën jetën të shtunën në Jabllanicë të Gjakovës.
Sveçla ka thënë se në këto momente të vështira për ata u qëndron pranë dhe ndan dhimbjen e madhe me ta
“Dhimbje e pikëllim i madh në Jabllanicë, Gjakovë e në mbarë Kosovën. Mbrëmë tri familje të të njëjtit fshat, fshatit Jabllanicë, humbën tragjikisht tre fëmijë në moshë të njomë e të ëndrrave për një jetë që nis. Çdo shprehje e ngushëllimeve të mia nuk e mbërrin brengën që mbart për familjet Rama, Morina dhe Mehmeti për humbjen e bijve të tyre. Në këto momente të vështira qëndrojmë pranë tyre dhe ndajmë dhimbjen e madhe me ta. Shpirtat e tyre të njomë u prehshin në paqe”, ka shkruar ai në Facebook.
