Ministri në detyrë i Punëve të Brendshme, Xhelal Svçla ka vizituar Komunën e Malishevës pas vërshimeve me të cilat po përballet kjo komunë.
Ai ka thënë se situata për momentin është nën kontroll dhe se në zonat më të rrezikuara janë evakuuar banorët.
Ai ka thënë se institucionet janë të angazhuara në të gjitha zonat e prekura.
“Pas situatës së krijuar nga reshjet atmosferike, sot isha në Malishevë, ku gjendja për momentin është nën kontroll dhe nga zonat më të rrezikuara janë evakuuar banorët. Institucionet tona janë të angazhuara në të gjitha zonat e prekura, me qëllim të menaxhimit të situatës dhe ofrimit të ndihmës së nevojshme për qytetarët. U bëj thirrje të gjithë qytetarëve për kujdes të shtuar dhe bashkëpunim me institucionet përgjegjëse për çdo rast nevoje”, ka shkruar ai.
