Ministri i Punëve të Brendshme, Xhelal Sveçla ka reaguar pas deklarimeve të ndërkombëtarëve për situatën në veri, e të cilët kanë kritikuar veprimet e Policisë së Kosovës.
Ai përmes një postimi në Twitter është shprehur se etiketimi i veprimeve të Policisë së Kosovës si të dhunshme është “ftesë për Milan Radojçiqin e futur në listën e zezë të SHBA- së për të sulmuar Policinë e Kosovës.
“Etiketimi i veprimeve të ligjshme dhe të civilizuara të Policisë së Kosovës si ‘të dhunshme’ dhe operacioneve të saj të zbatimit të ligjit si ‘dhunë’ është një ‘ftesë’ për Milan Radojçiqin e futur në listën e zezë të SHBA- së për të komanduar mashtruesit e tij për të sulmuar policët e Kosovës”, ka shkruar ai.
Ai ka thënë se të gjithë duhet të veprojnë me përgjegjësi dhe të parandalohet humbja e jetës së njerëzve.
“Të gjithë duhet të veprojnë me përgjegjësi. Çdo humbje jete duhet të parandalohet me kujdes maksimal. Zgjedhja e ekuilibruar e fjalëve në këtë situatë është thelbësore. Keqinterpretimi i realitetit mund të rezultojë në kosto njerëzore”, ka shkruar Sveçla, përcjell teve1.info
Departamenti Amerikan, BE e vendet e QUINT-it dhe KFOR-i kanë reaguar ndaj veprimeve të Policisë së Kosovë në Leposaviq, Zubin Potok e Zveçan, të cilët kanë larguar disa qytetarë serbë të cilit kishin bllokuar zyrat komunale dhe kishin vendosur barrikada në rrugë.
Veprimi i tyre ka ardhur pas betimit të kryetarëve të zgjedhur të cilët sot kishin dal për ta filluar punën në objektet e komunave./teve1.info/
