Sipas Sveçles, veprimet e serbëve janë bërë për shkak se qytetarët po i kthejnë targat nga ato ilegale në targa RSK.
“Është evidente që pjesë e këtij orkestrimi nuk janë serbët lokal por grupe të caktuara në koordinim me Vuqiçin. I gjithë organizmi ka për qëllim të destabilizoj sigurinë në vend dhe për të shkaktuar pasiguri të institucioneve tona.
Në policinë e Kosovës, Mitrovicë e Veriut dhe stacionet policore janë pranuar njoftimet për dorëheqje nga stafi i uniformuar dhe civil 578 dorëheqje prej të cilave 461 nga policia e rendit publik 107 kufitare 10 nga hetimet. Pas kërcënimeve dhe shantazheve me ç’rast kërcënohet edhe ekzistenca e vet këtyre qytetarëve”, u shpreh Sveçla.
Ai tha se të gjitha këto veprime kanë qenë të organizuara me qëllim të kërcënimit të masës por edhe kërcënim të qytetarëve tjerë për të mos i kthyer targat nga ilegale në RKS.
Deri më tani nuk është raportuar asnjë incident, ankesë, vërejtje apo mospranim i flet-qortimit, tha ai.
