Ministri i Punëve të Brendshme, Xhelal Sveçla dhe tre deputetët e Vetëvendosjes, Drita Millaku, Salih Zyba dhe Fitore Pacolli-Dalipi, janë deklaruar të pafajshëm për hedhjen e gazit lotsjellës në Kuvend.
Sveçla, Millaku dhe Zyba thanë se nuk e ndiejnë veten fajtorë.
Ndërsa Pacolli-Dalipi tha se ka vepruar në përputhje me betimin që ka dhënë si deputete.
“Deklarohem si e pafajshme, kam vepruar në përputhje me betimin që kam dhanë si deputete e Kosovës, që punoj për interes të vendit tim”, tha Pacolli-Dalipi.
Meqenëse të pandehurit nuk e pranuan fajësinë, të njëjtit u njoftuan se brenda afatit ligjor mund të bëjnë kërkesë për hedhje të aktakuzës dhe kundërshtim të provave. /teve1.info/