Komandanti i Komandës Rajonale–Perëndim (RC-W) të misionit të KFOR-it të udhëhequr nga NATO, kolonel Lorenzo Mangia, ka udhëhequr ceremoninë e ndarjes së medaljeve për kontingjentin shumëkombësh, e cila u mbajt në Camp Villaggio Italia në Pejë.
Gjatë paradës së medaljeve, pjesëtarët e kontingjentit u nderuan me Medaljen Jo-Neni 5 të NATO-s, si shenjë mirënjohjeje për profesionalizmin, përkushtimin dhe shërbimin e tyre në mbështetje të paqes dhe stabilitetit në Kosovë.
Kolonel Mangia ka vlerësuar lart angazhimin dhe kontributin e personelit shumëkombësh, duke theksuar rolin e tyre të rëndësishëm në përmbushjen e misionit të KFOR-it për garantimin e një mjedisi të sigurt dhe të qetë për të gjitha komunitetet që jetojnë në Kosovë.
Sipas KFOR-it, këto ceremoni shërbejnë si dëshmi e bashkëpunimit ndërkombëtar dhe përkushtimit të vazhdueshëm për ruajtjen e stabilitetit dhe sigurisë në vend.
