Avokati, Valdet Hoxha ka theksuar se pranimi i fajësisë është një zhvillim procedural dhe një e drejtë ligjore e të akuzuarve, e cila mund të shfrytëzohet nëse ata dëshirojnë të përfitojnë nga zbutja e dënimit, si në llojin ashtu edhe në lartësinë e tij.
Sipas tij, të akuzuarit në rastin Banjska që nga fillimi nuk e kanë pranuar fajësinë, çka nënkupton se rasti do të shkojë drejt një gjykimi të rregullt për tre personat e arrestuar.
Hoxha shton se për të akuzuarit e tjerë, zhvillimet do të varen nga rezultati i letërreshtimit ndërkombëtar, duke theksuar se refuzimi për të pranuar fajësinë është një çështje thjesht procedurale dhe një e drejtë legjitime e secilit të akuzuar.
Sipas avokatit, një proces i hapur dhe i rregullt gjyqësor mbetet garancia kryesore për zbardhjen e së vërtetës dhe për vendosjen e drejtësisë në këtë rast të ndjeshëm.
“Është zhvillim procedural dhe e drejtë e tyre, pranimi i fajësisë është alternativë që i mundëson ligji të akuzuarve nëse dëshirojnë të përfitojnë nga zbutja dhe nga lloji dhe lartësia e dënimit dhe të akuzuarit e rastit Banjska pra prej fillimit nuk e kanë pranuar fajësinë dhe siç duket do të ketë një gjykim për tre të arrestuarit, ndërsa të tjerët varësisht prej rezultatit të letërreshtimit ndërkombëtar, pra është çështje procedurale që e drejtë e tyre mos të e pranojnë, madje besoj që në favor të së drejtës është zhvillimi i një procesi gjyqësor, sepse vetëm me një zhvillim të procedurës gjyqësore të seancave gjyqësore aty mund të vërtetohen drejt dhe sakt gjendja faktike dhe të shqyrtohen provat materiale dhe provat personale në këtë rast, pra të ketë një epilog meritor”, ka deklaruar Hoxha në emsionin “Ditari” në Tëvë1./teve1.info/
