Tre punonjës të ndërmarrjes “Trepça” janë larguar përkohësisht nga detyrat e tyre në minierë.
Sipas njoftimit zyrtar, B.SH dhe E.K, më 7 janar, duke i shfrytëzuar daljet alternative, kanë ikur nga vendi i punës.
“Me datën16.01.2025 ndaj z.B.SH dhe z.E.K. me vendim të u.d. Kryeshefit Ekzekutiv të Trepça Sh.A., me nr. prot: 402 është shqiptuar masa disiplinore largim i përkohshëm nga Puna. Të njëjtit me datën 07.01.2025 kanë ikur nga vendi i punës dhe kanë shfrytëzuar daljet alternative për të ikur nga vendi i punës, ashtu që kanë kryer shkelje të detyrave të punës sipas Rregullores për përgjegjësinë disiplinore dhe materiale të punëtorëve të Trepça Sh.A”, thuhet në njoftim.
Masa disiplinore e njëjta i është shqiptuar edhe M.S.
“Ndërsa me datën 16.01.2025 ndaj z.M.S me vendim të u.d. Kryeshefit Ekzekutiv të Trepça Sh.A me nr.prot: 401 është shqiptuar masa disiplinore largim i përkohshëm nga Puna. I njëjti me datën 10.01 në ora 6:30 është skenuar përmes kartelës dhe ka dalur nga rrethoja afër portës nr. 1, ashtu që ka kryer shkelje të detyrave të punës sipas Rregullores për përgjegjësinë disiplinore dhe materiale të punëtorëve të Trepça Sh.A”, thuhet në njoftimin e tyre.
