Përderisa ekipi i RTK-së po raportonte nga Zveçani, vetura është sulmuar e dëmtuar, duke ia thyer xhamat dhe shpërthyer gomat. Ekipi i njëjtë është penguar edhe paradite nga protesutesit, të cilët u kanë krijuar vështirësi gjatë raportimit.
“Gjatë kohës sa po raportonim më parë lidhur me situatën në komunë e Zveçanit, disa persona kanë gjuajtur me gurë në drejtim të veturë së RTK-së, që ishte parkuar pak më larg se objekti komunal”, tha gazetarja Arbëreshë Berisha, teksa shtoi se veturës së RTK-së i janë thyer xhamat dhe i janë shpërthyer edhe gomat e veturës. Fatmirësisht në ato momente asnjë nga ekipi nuk ka qenë në veturë në ato momente”, bëri të ditur ajo, derisa shtoi se “një grup protestuesish po vëzhgonin lëvizjet e ekipit tonë.”
Gazetarja e RTK-së, tha se këta persona që kanë shkatërruar veturën e RTK-së nuk janë identifikuar
Tutje, ajo vuri në dukje se në Zveçan dhe Leposaviq, ekipi i RTK-së është penguar të kryejë punën e vet në raportimin e gjendjes atje.
Për këtë rast ka reaguar Agjencioni i Gazetarëve të Kosovës të cilët e kanë cilësuar si të pa pranueshëm dhe shqetësues sulmin ndaj gazetarëve.
Deria kanë ftuar organet e rendit vendore dhe ndërkombëtare që të garantojnë siguri për ekipet e mediave.
“Për Asociacionin e Gazetarëve të Kosovës, këto sulme janë të papranueshme dhe shumë shqetësuese, duke qenë se në një interval prej dy javësh sulmet kanë shënuar ngritje të paprecedentë deri tani. AGK-ja, i fton organet e rendit, vendore dhe ndërkombëtare, që të garantojnë siguri për ekipet e mediave, të cilat po raportojnë mbi tensionet në komunat veriore të vendit”, thuhet në reagim.
