Një person ka shtënë me armë zjarri në drejtim të një zyrtari policor në Pejë.
Lajmin për Tëvë1 e ka bërë të ditur zëdhënësi i Policisë për rajonin e Pejës, Driton Rugova.
Rugova ka thënë se zyrtari policor ka shpëtuar pa lëndime, ndërkohë i dyshuari është identifikuar por që i njëjti është në arrati.
Po ashtu ai ka njoftuar se në vendin e ngjarjes janë gjetur dy gëzhoja.
Zyrtari policor sapo kishte dalur nga stacioni policor dhe ishte duke e kaluar rrugën në zebra, nga një veturë në drejtim të tij është qëlluar me armë zjarri. Për fat të mirë ai ka shpëtuar pa lëndime. I dyshuari është arritur të identifikohet dhe lidhur me rastin po ndërmerren të gjitha veprimet hetimore për kapjen e tij. Në vendin e ngjarjes ka dalur edhe prokurori dhe njësitet relevante. Aty janë gjetur edhe dy gëzhoja”, ka thënë Driton Rugova per Tëvë1./teve1.info/
