Protestuesit serbë në Leposaviq e kanë sulmuar kameramanin e Teve1, Egzon Jashari, gjatë raportimit nga komuna e Leposaviqit.
Sipas gazetares, Fetije Kamberi, e cila po raporton nga kjo komunë së bashku me kameramanin Egzon Jashari që nga mëngjesi i së martës, sulmi ka ndodhur gjatë kohës sa po raportonin për një takim në mes të pjesëtarëve të KFOR-it dhe disa përfaqësuesve serbë.
“Po, kemi qenë para Komunës duke raportu për takimin e ish-kryetarit të Leposaviqit me komandantin e KFOR-it edhe kanë kërku me ndal xhirimin. Edhe veç ia kane nisë me shty, e kanë goditë kamerën dhe e kanë thy”, ka deklaruar Kamberi.
Një ditë më parë, gjatë raportimeve në po këtë komunë, protestuesit i kanë vënë flakën veturës së Teve1 duke e djegur të tërën.
Tash e tri ditë që nga fillimi i protestave në tri komunat veriore të Kosovës, Leposaviq, Zveçan e Zubin Potok, janë sulmuar disa gazetarë dhe dëmtuar dhjetëra komuna të medieve të ndryshme, ekipet e të cilave po raportojnë nga ky vend.
