Shtëpia e Naser Pajazitajt, i cili ishte i dyshuar për vrasjen e kushërirës së tij, Donjeta Pajazitaj, është sulmuar me armë zjarri.
Avokati i Naser Pajazitajt, Ahmet Tahiri në një lidhje direkte për Tëvë1 tha se sulmi është bërë me kallashnikovë.
“Rreth orës 02:00 të mëngjesit është sulmuar më armë zjarri shtëpia e Naser Pajazitit. Fatmirësisht përveç demave materiale nuk kemi dëme tjera. Unë kam ftuar policinë dhe prokurorinë që sa më shpejtë të zbardhët ky rast dhe kryesit e këtij rasti të vihen para drejtësisë. Familja e tij janë të frikësuar dhe të shqetësuar pasi shtëpia e tyre është sulmuar me kallashnikov”, ka deklaruar ai.
Ai tha se deri më tani policia nuk ka ofruar siguri për të dhe familjen e tij.
“Deri më tani nuk dihet dhe nuk ka të dyshuar. Afër shtëpisë janë gjetur 11 gëzhoja të plumbave. Deri më tani ende nuk ka siguri që i është ofruar Naserit dhe shtëpisë së tij. Do te këtë shpresë zyrtare për Policinë e Kosovës për t’i siguruar siguri atij dhe familjes.
Ai ka thënë se janë në fazën finale të përgatitjes së kërkesës për dëmshpërblim të Naser Pajazitaj, ku tha se do të kërkojnë rreth 1 milionë euro.
“Jemi në fazën finale të përgatitjes së kërkesave të lëndës lidhur me dorëzimin fillimisht në Këshillin Gjyqësore dhe varësisht nga oferta e tyre do të vendosim nëse do ta pranojmë apo do të shkojmë përmes gjykatës. Planifikoj të kërkoj rreth 1milionë euro, bazuar në vuajtje shpirtërore që ka përjetuar Naseri në tetë vite paraburgim, vuajtjet që i ka kaluar familja e tij, fëmija të cilët e kanë ndërprerë edhe shkollimin, dëmet materiale fitimet e humbura. Fëmijët kanë ndërprerë shkollimin për shkak të bullizimit dhe sigurisë”, tha ai.