Izraeli ka goditur një central bërthamor iranian në Isfahan, ka konfirmuar organi mbikëqyrës bërthamor i OKB-së.
Kreu i Agjencisë Ndërkombëtare të Energjisë Atomike (IAEA), Rafael Grossi, thotë se Izraeli goditi një punishte centrifugash, e cila prodhonte makinat e përdorura për pasurimin e uraniumit, raporton BBC.
“Ne e njohim mirë këtë objekt. Nuk kishte material bërthamor në këtë vend dhe për këtë arsye sulmi ndaj tij nuk do të ketë pasoja radiologjike”, thotë Grossi.
Ky është objekti i tretë i tillë që Izraeli ka shënjestruar në Iran që nga fillimi i luftimeve më 13 qershor, thotë agjencia. Izraeli më parë ka goditur Qendrën Kërkimore të Teheranit dhe një punishte në qytetin Karaj, thotë agjencia.
Grossi i tha Këshillit të Sigurimit të Kombeve të Bashkuara të premten se “sulmet ndaj vendeve bërthamore në Republikën Islamike të Iranit kanë shkaktuar një degradim të ndjeshëm të sigurisë bërthamore” në vend, duke shtuar: “Edhe pse deri më tani nuk kanë çuar në një lëshim radiologjik që prek publikun, ekziston rreziku që kjo të ndodhë.”
