Më shumë se 100 njerëz dyshohet se janë vrarë në sulmin ajror të së martës nga ushtria e Mianmarit, një nga më vdekjeprurësit deri më tani në luftën civile.
Të mbijetuarit i thanë BBC-së se kanë mbledhur të paktën 80 trupa, por presin që numri të rritet më tej.
Kombet e Bashkuara kanë dënuar sulmin, i cili synoi një fshat në rajonin veriperëndimor të Sagaing, transmeton teve1.info
Fshati ishte mbushur plot me njerëz nga komunitetet e afërta që po merrnin pjesë në ceremoni.
Pas sulmit ajror, banorët ngarkuan video që tregonte skena të masakrës së tmerrshme, me trupa të copëtuar të shtrirë në tokë dhe disa ndërtesa në zjarr. “Ju lutemi thirrni nëse jeni ende gjallë, ne po vijmë për t’ju ndihmuar,”.
Ata thanë se u përpoqën të numëronin trupat, por se kjo ishte e vështirë sepse shumë prej tyre ishin copë-copë, të shpërndara mes rrobave të copëtuara dhe motoçikletave të djegura.
Ushtria ka përdorur gjithnjë e më shumë sulme ajrore kundër kundërshtarëve të tyre që nga marrja e pushtetit në shkurt 2021.
Zëdhënësi i juntës ushtarake, gjenerali Zaw Min Tun i tha televizionit shtetëror, “po, ne filluam sulmin ajror”. Ai tha se ata kishin zgjedhur të sulmonin Pa Zi Gyi sepse fshati po mbante një ceremoni për të shënuar hapjen e një zyre për forcën e tyre mbrojtëse vullnetare lokale.
