Selektori i Kombëtares së Suedisë, Jon Dahl Tomasson ka bërë një ndryshim në listën e tij para ndeshjeve kualifikuese për Botërorin 2026, kundër Sllovenisë dhe Kosovës.
Në fakt, ky ndryshim ishte i detyruar për selektorin e Suedisë, ka njoftuar të enjten federata suedeze e futbollit.
Mbrojtësi i Mjallbyt, Axel Noren është ftuar dhe i është bashkuar në stërvitje ekipit për ta zëvendësuar Gustaf Lagerbielke që është lënduar.
Lëndimi ka bërë që mbrojtësi Lagerbielke që luan te Braga mos të jetë në dispozicion për duelet e këtij muaji.
Suedia e nis kampanjën kualifikuese për Kupën e Botës 2026 të premten mbrëma kundër Sllovenisë, përpara se të përballet në Prishtinë me Kosovën tri ditë më vonë.
