Ministri i Sportit, Hajrulla Çeku ka prezantuar të mërkurën në detaje planin rreth ndërtimit të stadiumit të ri të qytetit në Suharekë.
13 milionë euro do të ndahen nga kjo Ministri, ndërsa stadiumi do të jetë i kategorisë së dytë me 6518 ulëse, njofton Çeku në Facebook.
Ministri i MKRS-së po ashtu njoftoi se ky stadium do t’i plotësojë standardet më të larta ndërkombëtare, ndërsa sapo të kontraktohet operatori, do të nisë realizimi i punimeve.
Ballkani dhe Suhareka do ta kenë një shtëpi më të mirë dhe moderne në të ardhmen.
Ekipi Portokalli u shpall kampion i Kosovës tri herë radhazi dhe ndeshjet ndërkombëtare u detyrua t’i luante jashtë Suharekës shkaku që stadiumi aktual i kësaj Komune nuk i plotëson kriteret për të luajtur ndeshje të nivelit evropian.
