Tekniku spanjoll, Andoni Iraola pritet të jetë trajner i ri i skuadrës së Liverpoolit.
Të martën, është raportuar se marrëveshja tashmë është arritur mes drejtuesve të Liverpoolit dhe Iraolas, e cila së shpejti do të bëhet zyrtare.
Iraola gjatë kësaj jave do ta firmos kontratën dhe do të prezantohet si trajner i Liverpoolit, post në të cilin ka zëvendësuar holandezin Arne Slot të shkarkuar javën e shkuar.
43-vjeçari Iraola u largua nga Bournemouthi pas përfundimit të sezonit 2025/26, në të cilin udhëhoqi ekipin drejt kualifikimit në Ligën e Evropës për sezonin e ri.
Iraola ka qenë në krye të Bournemouthit prej vitit 2023, ku në 127 ndeshje ka regjistruar 48 fitore, 38 barazime dhe 41 humbje.
Ai gjithashtu, ka drejtuar edhe skuadrat si Rayo Vallecano, Mirandes e AEK Larnaca.
