Trajneri i Italisë, Luciano Spalletti dhe kapiteni Gianluigi Donnaruma kanë folur të premten në konferencën për shtyp para duelit me Shqipërinë.
Përballja e Grupit B mes Shqipërisë dhe Italisë do të luhet të shtunën prej orës 21:00. Si Spalletti ashtu edhe Donnarumma janë treguar të matur para ndeshjes me Shqipërinë, që e kanë vlerësuar si kundërshtar të fortë.
Spalletti ka insistuar se Italia është gati jo vetëm për këtë përballje por edhe ndeshjet tjera të grupit me Spanjën e Kroacinë.
Ndërkohë, portieri Donnarumma është fokusuar te dueli me Shqipërinë. Sipas tij, padyshim se ndeshja me Shqipërinë është më e vështira në grup pasi ka thënë se ekipi i Sylvinhos aplikon një lojë të mirë dhe të shpejtë.
Ka paralajmëruar bashkëlojtarët që të kenë kujdes nga kundërsulmet e Shqipërisë, ndërsa ka shtuar se duhet të jenë të fokusuar gjatë tërë ndeshjes nëse duan të fitojnë.