Bayern Muncheni ka marrë një lajm të mirë në prag të ndeshjes me Real Madridin në kuadër të Ligës së Kampionëve.
Sulmuesi Harry Kane do të jetë i gatshëm për këtë ndeshje dhe ky është sinjali që Bayerni kishte shpresuar të marrë para nisjes për në Madrid.
Kane ishte në fushë për seancën e fundit stërvitore dhe pritet të jetë startues në ndeshjen e parë çerekfinale të Championsit, e cila luhet të martën në Madrid nga ora 21:00.
Anglezi ka vuajtur për një javë nga lëndimi i kyçit të këmbës por stërvitjen e përfundoi pa treguar shenja shqetësimi kurse me ekipin u stërvitën edhe Jamal Musiala e Alphonso Davies.
Kane është sulmuesi kryesor i Bayernit këtë sezon, ku ka shënuar 10 gola deri më tani në Ligën e Kampionëve, tri më pak se francezi i Real Madridit, Kylian Mbappe.
Për dallim prej Bayernit, skuadra e Real Madridit do të jetë pa portierin Thibaut Courtois, i cili do ta humbasë është ndeshjen e kthimit që luhet pas një jave në Munchen.
