Duke folur me gazetarët në Shtëpinë e Bardhë gjatë rrotullimit të vezëve të Pashkëve, presidenti amerikan, Donald Trump tha se veprimi ushtarak në fund të fundit po i ndihmon njerëzit e Iranit sepse “ata duan të dëgjojnë bomba sepse duan të jenë të lirë.”
Trump shtoi se e vetmja arsye pse iranianët nuk janë në rrugë duke protestuar është sepse “ata do të qëllohen menjëherë” nga regjimi, në krahasim me sulmet e vazhdueshme nga SHBA-të dhe Izraeli në të gjithë vendin.
“Populli iranian do të kundërsulmojë sapo të dijë se nuk do të qëllohet dhe sapo të ketë mundësi të sigurojë armë”, shtoi Trump. “Nëse do të kishin armë… Irani do të dorëzohej brenda dy sekondash sepse nuk do të ishte në gjendje t’i përballonte ato.”
Presidenti shtoi gjithashtu se regjimi pati një “shans me fat” kur rrëzoi një avion luftarak amerikan F-15 të premten, por tha se shpëtimi i piloti që pësoi lëndime ishte “i pabesueshëm”.
