Profesori universitar, Nexhmedin Spahiu ka thënë se është në interes të vendit zbardhja e rastit në objektin e kandidatit të Listës Serbe për kryetar të Zubin Potokut, Millosh Peroviq .
Spahiu duke folur edhe për reagimin e Listës Serbe për këtë rast, të cilët kanë kërkaur që në hetime të përfshihet edhe EULEX-i, ka thënë se një gjë e tillë do të ishte e mirë sepse do të rriste besimin për rastin.
Ai në emisionin “Mesditë” ka thënë se Policia e Kosovës ka kapacitet dhe profesionalizëm, por
“Përveç punës profesionale të pk, monitorimi nga EULEX-i është i nevojshëm, për shkak të besimit, kur atë çfarë e bënë PK e konfirmon EULEX-i dhe kjo ka rëndësi edhe te faktori ndërkombëtar. Nuk besoj që kjo është bërë nga shqiptarët apo shteti. Por këto dyshime nuk mundesh mi heq lehtë, prandaj është me interes që sa më parë të ndriçohet rasti dhe ta ketë konfirmimin edhe të EULEX-it përmes monitorimi”, ka thënë Spahiu.
Ai nuk e ka përjashtuar mundësinë që rasti të ketë ndërlidhjme me protestat që po zhvillohen në Serbi, por ka thënë se institucionet duhet të zbardhin rastin sa më parë.
Digjet objekti i Peroviq,Lista Serbe kërkon që në hetim të përfshihet EULEX-i
