Profesori universitar, Nexhmedin Spahiu, ka kritikuar presidenten e Kosovës, Vjosa Osmani lidhur me situatën e krijuar për ngërçin në Kuvendin e Kosovës.
Spahiu i pyetur për njoftimin e Presidencës se ekipi ligjor ka nisur analizimin e seancës konstituive ka thënë se lëvizjet e presidentes kanë qenë më shumë për të ngatërruar situatën.
Ai në emisionin “InfoNata”, ka thënë se kjo situatë po i konvenon edhe asaj.
“Lëvizjen e Osmanit kanë qenë me ngatërruar situatën sa më shumë që është e mundshme, mos me bë përpjekje me lëvizë. Në momentin që u paraqit ngërçi i parë, kur Albulena Haxhiu ka dështuar për dy tri herët e para me u zgjedh kryetar e Kuvendit, Presidentja është dashtë me ju drejtua Gjykatës Kushtetuese me pyetje shteruese në mënyrë që më heq vendin nga ky ngërç. Por ajo tërë kohën ka prit, e ka bë një kërkesë pastaj e ka tërheq. Me gjasë po mendon që sa më shumë që situata të bëhet lugë, gjasat e saj për mu rizgjedh presidente janë më të mëdha”, ka thënë Spahiu.
Sa i përket pritjes së vendimit të Gjykatës Kushtetuese pas ankesës së Listës Serbe lidhur me çështjen e nënkryetarit nga komuniteti serb, Spahiu ka thënë se mund të jepen udhëzime se si të veprohet ose të shkohet në zgjedhje.
“Mund të japin një udhëzim se si të veprohet ose ta qojnë vendin në zgjedhje, nëse konsiderojnë se është ezauruar votimi i gjithë kandidatëve dhe nuk është përmbushur kërkesa për mu konstituuar Kuvendi. Atëherë nuk kish me qenë çudi që me qu vendin në zgjedhje”, ka thënë ai.
Spahiu ka thënë se edhe Vetëvendosje por edhe parit ish-opozitare kanë bërë lojëra me çështjen e nënkryetarit nga komuniteti serb, pasi sipas tij nuk janë të interesuara për konstituimin e Kuvendit.
