Sot pritet të mbahet mbledhja e e Komisionit hetimor parlamentar në lidhje me procedurat për furnizimin dhe menaxhimin me rezervat shtetërore, keqpërdorimet dhe abuzimet e mundshme me rezervat shtetërore nëpërmjet kualifikimit të procedurës si sekret shtetëror për furnizime të tilla.
Ky Komision ka dështuar të konstituohet katër herë të tjera, pas mospjesëmarrjes së Lëvizjes Vetëvendosje.
Mbledhja e fundit u mbajt më 13 tetor, me ç’rast kryesuesi i Komisionit Rashit Qalaj, tha se është e papranueshme bojkoti i mazhorancës, teksa ka njoftuar se do t’i drejtohen kryetarit të Kuvendit në lidhje me mungesat për katër herë të deputetëve të VV-së.
Kuvendi i Kosovës ka votuar për themelimin e Komisionit Hetimor Parlamentar për rezervat shtetërore më 21 shtator. /Teve.info/
