Sot nga ora 16:00 në stadiumin “18 Qershori” në Klinë, përkatësisht në stadiumin e Dukagjinit, do të luhet dueli i barazhit të Ligës së Parë.
Dinamo e Ferizajt do të ballafaqohet me Lirinë e Prizrenit.
Fituesi i këtij dueli luan më pas në ndeshjen e rëndësishme për inkuadrim në Superligën e Kosovës në futboll.
Fituesi i ndeshjes përballet me skuadrën që përfundon në pozitën e tetë në elitën e futbollit kosovar.
Vushtrria dhe Feronikeli 74 e siguruan direkt kalimin në Superligë.
Liria përfundoi e treta, ndërsa Dinamo në pozitën e katërt. Të dyja i kishin nga 71 pikë, por prizrenasit i kishin përballjet e ndërsjella më të mira, si dhe goldallimin.
Liria në ndeshjen e fundit të kampionatit në kategorinë e dytë të futbollit kosovar fitoi 5:1 në udhëtim te Dinamo. Dinamo mbeti në barazh, pasi përfitoi nga humbja e Vëllaznimit në shtëpi nga Vushtrria, 3:1.
Vëllaznimi mbeti jashtë garës për inkuadrim në Superligë.
