Presidentja e Kosovës, Vjosa Osmani, pritet të zhvillojë sot një takim me përfaqësuesin e Bashkimit Evropian për Dialogun Kosovë–Serbi, Peter Sorensen.
Sipas njoftimit zyrtar, takimi do të mbahet në orën 10:00, në Kabinetin e Presidentes.
Ende nuk është bërë e ditur nëse Sorensen do të zhvillojë takime me liderët e partive politike dhe do të diskutojë për ngërçin politik në Kosovë.
Vizita e Sorensenit në Kosovë vjen pas vizitës së tij në Shtetet e Bashkuara të Amerikës (SHBA), ku ai, së bashku me ambasadorët e vendeve të Ballkanit Perëndimor, ka diskutuar rreth çështjeve të sigurisë, stabilitetit rajonal dhe perspektivës së zgjerimit të Bashkimit Evropian./teve1.info/
