Mbrojtësi i Interit, Milan Skriniar, ka mbyllur sezonin para kohe, ka njoftuar “Football-Italia” të premten. Sllovaku i është nënshtruar operimit në shpinë dhe nuk do të jetë në gjendje të rikthehet në fushë deri para fillimit të sezonit të ardhshëm.
Po ashtu, Skriniar pritet që të mos jetë pjesë e Interit edicionin e ri për shkak se ka refuzuar rinovimin e kontratës që i skadon këtë verë. Sipas të gjitha gjasave, ai do t’i bashkohet Paris Saint-Germainit, ekip me të cilin thuhet se tashmë ka arritur marrëveshje personale.
Skriniar është pjesë e Interit prej vitit 2017 kur iu bashkua nga Sampdoria për 30 milionë euro dhe ka fituar një titull kampioni të Italisë. Këtë sezon, 28-vjeçari ka regjistruar 31 paraqitje në të gjitha garat.
