Amerikania Lindsey Vonn është bërë skitarja më e vjetër që fiton garë të Kupës së Botës në disiplinën e lëshimit. Ajo triumfoi në “St Moritz” të premten.
41-vjeçarja u pensionua në shkurt të vitit 2019 për shkak të telasheve me gju, por u kthye në gara të skijimit në dhjetor të vitit 2024.
Vonn e ka një medalje të artë dhe dy të bronzta në Lojërat Olimpike Dimërore, ndërsa është kandidate për ta përfaqësuar SHBA-në në Olimpiadën 2026.
Ajo e përfundoi shtegun për një minutë, 29 sekonda e 63 të qindtat. Ishte afër një sekondë më e shpejtë sesa Magdelena Egger e Austrisë që u rendit e dyta. Austriakja tjetër, Mirjam Puchner e zuri vendin e tretë.
Vonn e regjistroi fitoren 83-të në Kupë të Botës dhe të parën që prej vitit 2018.
“Isha më e shpejtë se që e mendoja. Ka qenë garë shumë interesante”, deklaroi Vonn pas garës për “TNT Sports”.
Vonn ka katër tituj të Kupës së Botës në karrierën e ndritshme 20-vjeçare.
