Hoxhaj ka thënë se lufta në Ukrainë tregon se paqja evropiane ishte një pushim i përkohshëm, shkruan Teve1.info
“Kur shpërbërja e shteteve dhe shuarja e jetës së qytetarëve është realitet evropian, ka vetëm një politikë që mbron identitetin shtetëror, rendin demokratik dhe sigurinë e Kosovës: anëtarësimi në NATO”, ka shkuar Hoxhaj në një postim në Facebook.
Sipas tij Qeveria e Kosovës duhet të miratoj Planin Aksional për Anëtarësimin (MAP), me mbështetje perëndimore.
“Kjo është kryetema e vitit 2022”, shtoi ai.
Postimi i plotë:
Mirëmëngjesi Kosovë!
Lufta në Ukrainë po tregon se paqja evropiane ishte një pushim i përkohshëm! Kur shpërbërja e shteteve dhe shuarja e jetës së qytetarëve është realitet evropian, ka vetëm një politikë që mbron identitetin shtetëror, rendin demokratik dhe sigurinë e Kosovës: anëtarësimi në NATO! Javën e kaluar e thash në Kuvend dhe po e përsërisë sot: Qeveria e Kosovës duhet të miratojë Planin Aksional për Anëtarësim (MAP), me mbështetje perëndimore! Kjo është kryetema e vitit 2022!
